ಒಂದು ಪ್ರಶ್ನೆ, ಒಂದು ಉತ್ತರ,
ಸರಳ, ಸಾಧಾರಣ, ಸುಂದರ,
ಪ್ರಶ್ನಿಸಿದರೆ ಕೊನೆಗೆ, ಅನಂತರ,
ಉತ್ತರವಾಗಲಿಲ್ಲವಲ್ಲ ಗೋಚರ!
ಉತ್ತರವೇ ಇಲ್ಲದಿದ್ದರೆ?
ಎಂದು ಮರುಪ್ರಶ್ನಿಸಿದರೆ,
ಒಗಟಿಗೆ ಮನಸೋತರೆ,
ಅಂದಳು, ನೀ ಹುಡುಕುವುದಿಲ್ಲವೇ?
ಮತ್ತದೇ ಆಟವೆಂಬ ಹುಸಿಮುನಿಸು
ಕಬ್ಬಿಣದ ಕಡಲೆಯಾಗಿದೆ ಒಗಟು
ಮತ್ತೊಮ್ಮೆ ಬಿಡಿಸಿ ಹೇಳು
ಮೆಲ್ಲಗೆ, ಎಂದೇನಾ, ವಿವರಿಸು...
ಬರೆದಳಾಗ ಮತ್ತೊಮ್ಮೆ, ಮರೆಯದಂತೆ
ತಿದ್ದಿ ತೀಳಿ ಮಸಿಯಲ್ಲಿ,
ಮಂಜು ಕರಗಿತು ಮೊನ್ನೆ
ನಗುತ ಪುಸ್ತಕ ಮುಚ್ಚಿದೆ, ತಿಳಿದಿಲ್ಲವೆಂದೆ!
0 comments:
Post a Comment